JIWAN kya hai??

JIWAN kya hai??

(aaj 26 june mai 5.30 baje subah main gandhinagar station ,jaipur pohocha, yaha se duble dec 12985 se delhi ja raha hu, barbas hi mann me aya ke jiwan aur uske bhavarth ke bare me kuch likhne ka prayas karu, lets see, agar thik naa lageto kshma karyega)

jiwan ek adhyay hai

wo adhayay jise padhna utna hi zaruri hai jitna irsh ko samajhna,

jiske bhavarth ko samajhne me kabhi kbhi ye khud hi khtm ho jata hai

ratne se zyada zaruri hai, iske marm ko atmasaat karna

jisne is adhyay ko jaldi padh liya wo gyani, jisne der ki wo murakh.

jiwan ek abhao hai

ek kabhi naa khatam hone wala abhao

ek aisa abhao jise dhan se pura nai kar sakte

ek matra aisa abhao jise gyan se pura kiya ja sakta hai shyad

gyan uske rikta sthan ko bharne ka

jisne is rikta sthan ko bhar diya wo gyani jo chuta wo murakh.

jiwan ek lalkar hai

wo lalkarta hai ki age badho aur disha chuno

simit kalo khud ko brands aur labels me

ya niklo in sab se aur tut paro apne dyayiton par

asan kar do use ya phas jao swajanit samasyaon me

kud pado maya me madhu me aur madya me

ya utro dhire dhire vijay ko paribhasit karne

jisne is lalkar ko samajh liya wo gyani jo dhambh bhara wo murakh

jiwan ek swadhay hai

ye nirbhar hai atma ki awaz per

iski awaj ko jitna suno wo utni hi wrihad hoti jati hai,

aur jina ansuna karo utni hi adhuri reh jati hai

jisne jitna jaldi suna wo gyani jo naa sun paye wo murakh.

jiwan ek zimmedari hai

zimmedari apne samaj,pariwar aur khud ke prati

uske bhi prati jisne bheja hai hume yahan

us rastra ke prati jiski chardiwari me hum rehte hai

us pariwaar ke prati jisne hume wajood diya hai

us samaj ke prati jisne hume adim se manaw banaya

jisne is zimme ko utha liya wo gyani jo bhaga wo murakh

jiwan ek ubujh paheli hai

jo ek pal kathin hai ek pal asan

itni kathin jiska hal dudhne me kai baar jiwan nikal jata hai

itni asan ke kai baar iske age 2 aur 2 ka jod batana kathin ho jata hai

jisne atma chintan se hal kar liya wo gyani baki sab murakh

jiwan ek daud hai

kabhi andhi kabhi surya si  spasta

ek daud jo glamour ko pakadne ki bhi hai

moksha ko prapt karne ki bhi

ek daud jo safalta ke chram per pohochne ki bhi hai

aur usse aage aur aage jane ki bhi

jo sahi disha me dauda wo gyani

jo galat disha ki oor badha wo murakh

to sawal ye hai jiwan kya hai

kya hai uski bhasa aur paribhasha

adhayay hai ya abhao

swadhyay hai ya zimmedari

ya hai koi lalkaar jo chitkar rahi hai humare sammukh

paheli hai ya ek andhi daud

asal me jiwan in sabka sankalan hai

jisne jitna jaldi iska sankalan karna ho wo kar le

kyuki jiwan chal raha hai pure waig se

us ghadi ki tarah jiska cell kabhi khatam nai hota . . .

                                                                                                                            jiwan kabhi naa rukne wali ghadi hai shyad.................